Friday , 14 May 2021
Home » சினிமா » ஹரிஷ் கல்யாண் படத்தில் இணைந்த அனிருத்

ஹரிஷ் கல்யாண் படத்தில் இணைந்த அனிருத்

ஹரிஷ் கல்யாண் நடிப்பில் உருவாகி வரும் ‘தனுஷ் ராசி நேயர்களே’ படத்தில் இசையமைப்பாளர் அனிருத் ஒரு பாடல் ஒன்றை பாடியுள்ளார்.

ஹரிஷ் கல்யாண் படத்தில் இணைந்த அனிருத்
அனிருத் – ஹரிஷ் கல்யாண்
ஹரிஷ் கல்யாண் நடிப்பில் தற்போது உருவாகி வரும் படம் ‘தனுசு ராசி நேயர்களே’. இந்த படத்தை இயக்குநரும், நடிகருமான சந்தான பாரதியின் மகன் சஞ்சய் பாரதி இயக்கியுள்ளார். இவர் இயக்குனர் விஜய்யிடம் உதவி இயக்குனராக பணிபுரிந்தவர் என்பது குறிப்பிடத்தக்கது.

ஸ்ரீகோகுலம் மூவீஸ் சார்பில் கோகுலம் கோபாலன் தயாரிக்கும் இந்த படம் ரொமாண்டிக் காமெடி கதையாக உருவாகிறது. இதில் ரெபா மோனிகா ஜான், ரியா சக்கரவர்த்தி ஆகிய இரண்டு கதாநாயகிகள் நடித்துள்ளனர். ஜிப்ரான் இப்படத்திற்கு இசையமைத்து வருகிறார்.

இயக்குனர் சஞ்சய் பாரதி – அனிருத்

இப்படத்தின் படப்பிடிப்பு நிறைவடைந்து, தற்போது பின்னணி வேலைகள் மும்முரமாக நடைபெற்று வருகிறது. இந்நிலையில், இப்படத்தில் இடம் பெறும் பெப்பியான பாடலை இசையமைப்பாளர் அனிருத் பாடியிருக்கிறார். இந்த பாடல் ரசிகர்களை கவரும் என்று படக்குழுவினர் நம்பிக்கை தெரிவித்துள்ளனர்.

Facebook Auto Publish Powered By : XYZScripts.com