தெற்கு ஆஸ்திரேலிய அரசுடன், தமிழக அரசு இன்று புரிந்துணர்வு ஒப்பந்தம் ஒன்றை மேற்கொண்டது. புதிய தலைமை தகவல் ஆணையர் நியமனம் வெளிப்படையான முறையில் மேற்கொள்ளப்படாததால் அரசின் இந்த நடவடிக்கை சட்டத்துக்கு புறம்பானது என்று அ.தி.மு.க. பொதுச்செயலாளர் ஜெயலலிதா குற்றம்சாட்டியுள்ளார். தமிழக அரசின் சமச்சீர் கல்வி சட்டம் சரியானதே என்று உச்சநீதிமன்றம் இன்று கருத்து தெரிவித்துள்ளது. நாசவேலை பற்றி தகவல் அளித்தால் ரயில்வேதுறையில் பணி வழங்கப்படும் என்று மத்திய ரயில்வேத்துறை அமைச்சர் மம்தாபானர்ஜி அறித்துள்ளார். தமிழக மக்களுக்கும், தமிழ்நாட்டின் வளர்ச்சிக்கும் இந்த அரசு பாடுபட்டு வருதாக அமைச்சர் கீதாஜீவன் தெரிவித்தார். கும்பகோணம் அருகே தமிழக அரசின் இலவச வண்ணத் தொலைக்காட்சிப் பெட்டிகளை, பயனாளிகளுக்கு அமைச்சர் கோ.சி.மணி வழங்கினார். தெற்காசியப் போட்டிகளில் வெற்றிபெற்ற தமிழக விளையாட்டு வீரர்களுக்கு துணை முதல்வர் மு.க.ஸ்டாலின் ரூபாய் 8 லட்சத்து 70 ஆயிரத்திற்கான காசோலைகளை வழங்கிப் பாராட்டுத் தெரிவித்தார். பீகார் சட்டபை தேர்தல் தேதியை தேர்தல் ஆணையம் அறிவித்துள்ளது. பீகார் சட்டசபை தேர்தலை 6 கட்டமாக நடத்த தேர்தல் ஆணையம் முடிவு செய்துள்ளது. சமச்சீர் கல்வி குறித்து தமிழக அரசு கொண்டுவந்துள்ள சட்டம் சரியானதே என்று உச்சநீதிமன்ற நீதிபதிகள் கருத்து தெரிவித்துள்ளனர். அன்னை தெரசாவின் உருவம் பொறித்த தபால் தலையை இன்று அமெரிக்க தபால் துறை வெளியிட்டுள்ளது. இந்திய ராணுவ தளபதி வி.கே.சிங் கொழும்பு சென்றடைந்தார். நாளை வவுனியா செல்லும் அவர் பாதிக்கப்பட்ட தமிழர்களைச் சந்திக்க உள்ளார். நெல்லை மாவட்டம் கூடன்குளத்தில் அமைக்கப்பட்டுள்ள அணுமின்நிலையத்தை வரும் டிசம்பர் மாதம் ரஷ்ய அதிபர் டிமிட்ரி மெத்வதேவ் திறந்து வைக்கிறார். ஸ்பாட் பிக்சிங், மேட்ச் பிக்சிங்கில் ஈடுபடுபவர்கள் மீது கடும் நடவடிக்கை எடுக்க வேண்டும் என்று இந்திய அணி கேப்டன் டோனி வலியுறுத்தியுள்ளார். வருகிற தேர்தலில் சட்ட சபையில் பா.ஜனதா நுழைந்தே தீரும் என்று பொன். ராதாகிருஷ்ணன் கூறினார். டாஸ்மாக் கடைகளை நிரத்தரமாக மூட வலியுறுத்தி, இன்று புதிய தமிழகம் சார்பில் அனைத்து மாவட்ட கலெக்டர்கள் அலுவலகங்கள் முன் ஆர்ப்பாட்டம் நடைபெற்று வருகிறது. கோஷ்டி மோதலில் பயங்கரம்: குடவாசல் அருகே பள்ளிவாசல் முன்பு ஜமாத் தலைவர் உள்பட 2 பேர் சுட்டுக்கொலை ஊக்கமருந்து சோதனையில் பிடிபட்ட, இந்திய நீச்சல் வீராங்கனைகள் இருவர் காமல்வெல்த் போட்டியில் இருந்து நீக்கப்பட்டனர். மாவோயிஸ்டுகளால் கடத்தப்பட்ட 3 போலீசார் திரும்பினார்கள்: முதல்- மந்திரி நிதிஷ்குமாருடன் சந்திப்பு பெட்ரோல் விலை லிட்டருக்கு ரூ. 1.10, டீசல் விலை லிட்டருக்கு 60 பைசா உயரும் என்று கூறப்படுகிறது. கர்நாடக அணைகளில் நீர்மட்டம் அதிகரித்துள்ளதால், அங்கிருந்து தமிழகத்திற்கு தண்ணீர் திறந்துவிடப்பட்டுள்ளது