ஜாதிவாரியான கணக்கெடுப்பை மேற்கொண்டு, தமிழகத்திற்கான இட ஒதுக்கீட்டு அளவை நிர்ணயம் செய்தபிறகு தனி ஒதுக்கீட்டுப் பிரச்சினைக்கு தீர்வு காண முடியும் என்று முதல்வர் கருணாநிதி தெரிவித்துள்ளார். மத்திய – மாநில அரசுகளின் கூட்டு நடவடிக்கை மூலம் . நக்சலைட்டு பிரச்சினைக்கு 3 ஆண்டுகளில் முற்றுப்புள்ளி வைக்க முடியும் என்று மத்திய அமைச்சர் ப.சிதம்பரம் நம்பிக்கை தெரிவித்துள்ளார். இந்தியா – பாகிஸ்தானுக்கு இடையிலான பிரச்சினை குறித்து பேச்சுவார்த்தை நடத்தப்படும் என்று மன்மோகன்சிங், இங்கிலாந்து பிரதமர் டேவிட்கேமருன் சந்திப்பில் முடிவு செய்யப்பட்டுள்ளது. கடந்த ஓராண்டில் மட்டும் கலைஞரின் உயிர்காக்கும் உயர் சிகிச்சைக்காக 415 கோடி நிதியுதவி அளிக்கப்பட்டுள்ளது என்று குடும்பநலம் மற்றும் சுகாதாரத்துறை அமைச்சர் எம்.ஆர்.கே.பன்னீர்செல்வம் தெரிவித்தார். சென்னையடுத்த ஊரப்பாக்கம் ஒன்றிய ஊராட்சிமன்ற இடைத்தேர்தலில் அ.தி.மு.க. வைச் சேர்ந்த பெருமாள் வெற்றி பெற்றதையடுத்து நேற்று பதவியேற்றுக் கொண்டார். சென்னை மாநகரில் பொதுவிநியோக திட்டம் செயல்படுத்தும் அலுவலர்கள் குறித்த ஆய்வுக்கூட்டம் நடைபெற்றது. காவிரி டெல்டா பாசனத்திற்காக மேட்டூர் அணையை அமைச்சர் வீரபாண்டிஆறுமுகம் இன்றுமாலை திறந்துவைக்கிறார். விலைவாசி உயர்வு குறித்து எதிர்கட்சியினர் கடும் அமளியில் ஈடுபட்டதால் இன்று நாள்முழுவதும் மாநிலங்களவை ஒத்திவைக்கப்பட்டது. முல்லைபெரியாறு அணையை உடைக்கும் முயற்சியில் கேரள அரசு ஈடுபட்டுவருவதாக ம.தி.மு.க.பொதுச்செயலாளர் வைகோ குற்றம்சாட்டியுள்ளார். வன்னிய சமூகத்தினருக்கு 20 சதவீத இடஒதுக்கீடு வழங்க வலியுறுத்தி பாட்டாளி மக்கள் கட்சி சார்பில் தூத்துக்குடியில் ஆர்ப்பாட்டம் நடைபெற்றது.