Warning: Declaration of tie_mega_menu_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/priwil/tamilantelevision.com/wp-content/themes/sahifa/functions/theme-functions.php on line 0
தமிழகத்தின் பல்வேறு ஊர்களில் கடும் பனிமூட்டம் – வாகன ஓட்டிகள் அவதி | Welcome to Tamilan Television - 24/7 Entertainment Television - Tamil News , District News and World News
Thursday , 7 July 2022
Home » தமிழ்நாடு » தமிழகத்தின் பல்வேறு ஊர்களில் கடும் பனிமூட்டம் – வாகன ஓட்டிகள் அவதி

தமிழகத்தின் பல்வேறு ஊர்களில் கடும் பனிமூட்டம் – வாகன ஓட்டிகள் அவதி

தமிழகத்தின் பல்வேறு ஊர்களில் காலை கடும் பனிமூட்டம் நிலவியதால், வாகன ஓட்டிகள் கடும் சிரமத்துக்குள்ளாகினர்.

விருதுநகர் மாவட்டம், சாத்தூர் மற்றும் அதன் சுற்றுவட்டார பகுதிகளான வெம்பக்கோட்டை, தாயில்பட்டி, இருக்கன்குடி உள்ளிட்ட பகுதிகளில் கடும் குளிருடன், சாலை கண்ணுக்கு தெரியாதவாறு பனி சூழ்ந்து காணப்பட்டது.

வாகன ஓட்டிகளும் எதிர்வரும் வாகனங்களை கண்டறிய பகலிலேயே முகப்பு விளக்குகளை ஒளிரவிட்டபடி சென்றனர்.

நெல்லை

நெல்லை மாவட்டம் சங்கரன்கோவில் மற்றும் அதன் சுற்றுவட்டார பகுதிகளிலும் அதிகாலை முதல் கடும் பனிப்பொழிவு காணப்பட்டது. சாலைகளில் வெள்ளை நிற போர்வை போர்த்தியது போன்று பனிசூழ்ந்து காணப்பட்டது.

இதனால் அவதிக்குள்ளான வாகன ஓட்டிகள் விபத்துகளை தவிர்க்க ஒலி எழுப்பியும், முகப்பு விளக்குகளை ஒளிரவிட்டும் வாகனங்களை ஓட்டி சென்றனர்.

தஞ்சை

தஞ்சையில் காலை 8 மணி வரை பனி மூட்டம் நிலவியதால், மக்கள் மலைப்பிரதேசத்தில் இருப்பது போன்ற இதமான சூழலை உணர்ந்தனர்.

தஞ்சையில் பகல் நேரத்தில் கடுமையான வெயில் சுட்டெரித்தும், மாலை நேரத்தில் அவ்வப்போது சாரல் மழையும் பெய்து வருகிறது. இந்தநிலையில், இன்று காலை சுமார் 8 மணி வரை தஞ்சை நகர் முழுவதும் பனி சூழ்ந்து ரம்மியமாக காட்சியளித்தது.

மேலும், சாலைகளில் பனிபடர்ந்தும், தஞ்சை பெரிய கோவில் கோபுரம் மீது பனிப்போர்வை போர்த்தியதும் போன்றும் இருந்த காட்சிகள் மலைப்பிரதேசத்தில் இருப்பது போன்ற உணர்வை ஏற்படுத்தியது.

Facebook Auto Publish Powered By : XYZScripts.com